Wednesday, October 3, 2007

വ്യാജന്‍

ആന്റോയേ, നീയ് വന്നിട്ടുണ്ടെന്ന് കേട്ട്.
കേട്ടത് ഒള്ളത് തന്നെ മൂപ്പീന്നേ, ഞാന്‍ വന്നിട്ടൊണ്ട്.

ഗള്‍ഫീ പോയിട്ട് കൊടവയറും തടീം ഒന്നും വച്ചില്ലല്ലോടാ ?കൂലിപ്പണിയാണോ അവിടെ?
എല്ലാ പണിയും കൂലിക്കല്ലേ മൂപ്പീന്നേ.

മൂപ്പീന്ന് വട്ടത്തില്‍ മുറിയൊന്നു കറങ്ങി നോക്കി.

ടേപ്പ് റിക്കാര്‍ഡറൊന്നും വാങ്ങിച്ചില്ലേ?
ഇതു കണ്ടോ, ഐപോഡ് എന്നു കേട്ടിട്ടുണ്ടോ?

നെരിപ്പോട് എന്നു കേട്ടിട്ടുണ്ട്. എന്തരായാലും പോക്കറ്റ് റേഡിയോ തന്നല്ല്?
അല്ലല്ല്!


ചറപറാന്ന് അഞ്ചാറ് അറബി പറയെടാ?
ഒന്നു മുതല്‍ ആറു വരെ എണ്ണിയാ മതിയോ മൂപ്പീന്നേ? വേറേ അറബിയൊന്നും അറിഞ്ഞൂടാ.


അപ്പോ നിന്റെ അറബി മുതലാളിയോട് നീ എന്തരു ഭാഷകള്‌ പറയും?
എനിക്കവിടെ മുതലാളിയൊന്നുമില്ല, ജനറല്‍ മാനേജരാ. അയാളു ഫ്രെഞ്ചുകാരനാ.
ഹും. ആങ്. ഹാ..
എന്നാ പോട്ട് ഞാന്‍.

അല്ലാ, മൂപ്പീന്ന് എന്തരോ കേക്കാന്‍ ഭാവിച്ചല്ല്?
കേട്ടിട്ടു കാര്യമൊണ്ടോടേ?
കേട്ട് നോക്കിന്‍.

ഉം?
ഉം.

ഫോറിന്‍ വല്ലോം ഇരിപ്പൊണ്ടോ?
പിന്നേ! ദാണ്ട്. ഒഴിക്കട്ടോ?

ഇതെന്തരെടേ? ആ ടോണിക്ക് പോലത്തെ കുപ്പീലും , ചാരായം പോലത്തെ കുപ്പീലും വരുന്നതൊന്നുമല്ലല്ല്?
ടോണിക്ക് പോലത്തെ കുപ്പീല്‍ വരുന്നത് ജോണിവാക്കര്‍. ചാരായം പോലിരിക്കണത്‍ ബക്കാര്‍ഡി വൈറ്റ്. ഇത് കുട്ടി സാര്‍ക്ക്.

എന്തരിന്റെ കുട്ടി?
കുട്ടിസാര്‍ക്ക്. എന്നുവച്ചാല്‍ പെണ്ണുങ്ങളിടണ ചീട്ടിത്തണീന്റെ അടി ഉടുപ്പ്. മലയാളത്തില്‍ പെറ്റിക്കോട്ട് എന്നു പറയും.

തോര്‍ത്തോ ജെട്ടിയോ എന്തരേലും ആട്ട്, നീ ഒഴി . എടാ, കണ്ണൊന്നും പോകത്തില്ലല്ല്?
ഇല്ലെന്നും.

നെട്ടനെ മോന്തി മൂപ്പീന്ന് ഗ്ലാസ്സ് മേശപ്പുറത്ത് ഇടിച്ചു നാട്ടി.
എടാ നീ ഗള്‍ഫിലാന്നോ അതോ ബോംബേലോ കല്‍ക്കട്ടേലോ വല്ലേടത്തും? സത്യം പറ ഞാനാരോടും പറയൂല്ല.

4 comments:

അനോണി ആന്റണി said...

വ്യാജന്‍

ശ്രീ said...

വല്ല കാര്യോമുണ്ടോ, അങ്ങേരുടെ വായേലിരിക്കുന്നത് കേള്‍‌ക്കണമായിരുന്നോ?
കൊടുത്തത് അബദ്ധമായി, അല്ലേ?
:)

സഹയാത്രികന്‍ said...

ഉം...യെന്തിരാണല്ലേ... ഗള്‍ഫാരന്‍...!

:)

ഉറുമ്പ്‌ /ANT said...

:)